الذمة المالية
سلم النائبان د. ناصر الصانع ود. محمد البصيري - وهما عضوا الحركة الدستورية في مجلس الأمة - كشفين بذمتهما المالية مع الزوجات والأبناء
ويبين هذا التصرف من النواب الحرص على سيادة مبدأ الشفافية والبعد عن شبهات الفساد، خاصة مع تواتر الأخبار عن الكثير والكثير من مواطن الفساد في التعامل الحكومي
ليت الجميع يتابع ويواصل هذه المسيرة، خاصة وأن النائبين الفاضلين دعيا جميع النواب والقياديين في الدولة إلى فعل ما فعلا
posted by Q8links | 1/08/2006 10:24:00 PM
4 Comments:
عفوا اخوي انت مصدق موضوع كشف الاعضاء هذيل لذمتهم المالية ؟؟
اذا مصدق اسمحلي اني ابلغك انك مو عايش الواقع ....شنو الالية اللي اتبعها الاعضاء بكشف الذمة ؟ شنو الذمة اللي اكشفوها ؟ شنو الالية اللي عند مجلس الامة علشان الناس تتاكد انهم صج اكشفو ذمتهم داخل وبرة الكويت ؟؟ شنو هي المدة اللي بعدها يرجعون الاموال باسمهم بعد ما اكشفو الذمة ؟؟؟ منو كان يعرف شنو يملكون قبل لا يكشفون ؟؟؟ الموضوع مافيه ضوابط واللي صار كله تمثيل بتمثيل
خطوة جيدة لكنها جاءت متأخرة
ولكن أستبعد أن يستجيب نواب المدن الاعلامية والمديونيات
وشرايت الاصوات
أو نواب الذمم المنتفخة .. ونواب "طال عمرك وخشمك أبوسه"ـ
اي قريت عنه وقبل جم يوم كان الكندري بعد واظن الصقر وهذا شي حلو معنى القانون ماتطبق وياريت كل المسؤولين الكبار واصحاب المراكز القيادية يطبقون هالشي عشان يكونون قدوه لغيرهم موضوعك حلو ويعطيك الف عافيه اخوي ودام احنا بالعيد نقولك عيدك مبارك :)
مشكورين على التعليق على المقالة، وأنا فشلان جدا منكم لأني كنت حاط موديريشن على التعليقات وانا مادري وتوني أشوف تعليقاتكم
وانا صار لي فترة أقول علامهم الناس ما يعلقون على بلوجي ، يمكن كلامي ما يعجبهم
:)
لكن عموما أسئلة بو صالح مشروعة ولازم يتم الجواب عليها من الأعضاء الأكارم وصحيح الموضوع ماله ضوابط والسبب الوحيد هو لأن القانون غير موجود، لكن هذا ما يعني أن المسألة تمثيل لأن حسن الظن بالناس هو الأصل ما لم يثبت العكس، وهذا بالعكس هو تشجيع لإقرار القانون
الأخ امرؤ القيس
هذيله الاعضاء اللي خبري خبرك ما يستجيبون إلا والقانون كالسيف فوق روسهم، وبعدين يدورون الثغرات فيه
الأخ هاشمي
عيدك مبارك أيضا وأيامك سعيدة وعظم الله أجرك بوفاة أمير القلوب الشيخ جابر
أنا فعلا متفائل إن الكثير سيحذون حذو العضوين الصانع والبصيري وقد نرى موجة من تقديم الذمم المالية تسبق إقرار القانون مما سيكون له الأثر الأكبر في عدم تعطيل القانون
شكرا لكم جميعا
Post a Comment
<< Home